25. urteurrena | Jon Olaizola
4.6 HANKAK LURREAN
Xanti Pattana 1994-95ean seniorren
entrenatzaile zela berriro, Bigarren Mailara igo zuen
taldea. Urte hartan Odrik jokatzeari utziko ziola
erabakia zuen. Azken partiduan taldekideek Odri quédate
zioen elastikoak atera zituzten. Udalak taldeari harrera
egin zion eta aparteko giroa izan zen: Jon Arozenak
aurreskua dantzatu zuen udalbatzar aretoan eta hanka
altxatzean kasik lanpara jo zuen, Ander Agirrezabalaga
bikain moldatu zen txapekin... Inularrean jokalariak
nahiko itsusi ibili ziren, oraindik ere ezinhobeto
oroitzen diren hamaika pasarte aipaezinez.
1995-96an, Bigarren
Mailan aritzeko ez zegoen titulu nazionaldun entrenatzailerik
taldearen gidaritza hartzeko prest. Gazteak gogotsu
zetozen. Garikoitz Iparragirre Je-suitinakoekin jokatzetik,
eta berehala pasatu zen Gipuzkoako selekzioan jokatzera.
Josu Arozenak ere etorkizun paregabea zuela bistakoa
zen. Goiko taldeetan, Jon Arozena eta Eneko Garmendia...
Azkenik Joseba Otaegik hartu
zuen seniorren saioak zuzentzeko ardura, nahiz eta
bera jokalaria izan, eta partidetara Xubi eta Josu
Arregi agertzen ziren entrenatzaile bezala. Egoera
ez zen taldearen mailak eskatzen zuen neurrikoa, baina
zegoenarekin moldatu behar.
1996-97 denboraldian Odrik hartu zuen taldea zuzentzeko
kargua, Hirugarren Mailan jokatzeko. Gogoz bete zuen
lana, baina urtebete egitean, Pattanari bezala lanak
jartzen zizkion zailtasunak zirela eta, berriro taldearen
gidaritza Joseba Otaegiren esku geratu zen.
Urte haietan jada argi eta garbi zegoen Iraurgiren
neurria bere onera ekarri beharra zegoela. Zuzendaritza,
urte horiek arte, Joseba Olazabalen esku egon zen
nagusiki. Eskolarteko txapelketaren zuzendaritza,
berriz, Miguel Altolagirreren esku zegoen. Xanti Pattana
eta Joseba Otaegi ere zuzendaritzan zeuden, eta pixkanaka
jokalari gazteak ere parte hartu beharrean izan ziren:
Kepa Ibarzabal, Jon Arozena, Eneko...
1997-98 denboraldian Joseba Otaegi berriro entrenatzaile
eta jokalari bezala egon zen taldean, Odri urtebetez
egon ostean. Otaegik urtebete geroago jokatzea utzi
eta soilik taldea entrenatzeari ekin zion, eta hiru
denboraldiz aritu zen horretan; fitxak bete, isunen
errekurtsoak egin... dena Joseba Otaegiren esku egon
zen sasoi hartan.
LEHEN TALDEA DESEGIN
Zuzendaritza mailan, berriz, egoera ez zen hobea,
Joseba Olazabal Txorrotxa-k utzi egiten zuela
esan zuelako (dena dela, inoiz ez du utzi). Miguel
Altolagirrek berean segitzen zuen: eskolarteko txapelketa
antolatzen. Jokalariak bakarrik zeuden. Hala eta guztiz
ere, kasik urtero lortzen zuten Bigarren Mailara igotzeko
sailkapena, eta urtero uko egiten zioten gora pasatzeari,
ez zelako ikusten egitura egokirik. Bere garaian,
taldea indartsu zenean egiten zen gora, baina une
horietan zegoenean mantentzea ez zen gutxi Iraurgirentzat.
Izan ere, urte horietan gizonezkoen talde seniorra
desegitea ere planteatu zen, baina mantentzea erabaki
zen azkenik, gazteei goian jokatzeko ilusio zor zitzaiela
eta.
