25. urteurrena | Jon Olaizola
3.9 'GORA EUSKADI'
Lehen esan bezala, Xubi aspalditik
ari zen jende gaztea entrenatzen. 1987-88 denboraldian
Gipuzkoako selekzio jubenilaren entrenatzailea izan
zen bera, eta hark egiten zuen lana bailaratik kanpo
aintzat hartzen hasiak ziren. Urte haietan, Xubi zen
bakarrenetakoa, jokatzeaz gain, beste bi talde entrenatzeko
denbora hartzen zuena. Denbora guztia eskaintzen zion
saskibaloiari. Galdetu bestela Mari Joseri...
1988-89 denboraldian, Iraurgi Sabi nesken taldeak
Donosti Las Banderasen kontra galdu zuen Gipuzkoako
Txapelketa. Nesken mailan Iraurgik inoiz izan duen
talderik indartsuena zen hura. Urte luzeetan lanean
jardundako taldea zegoen atzean. Belaunaldi desberdinak
uztartu ziren. Maixol Rezo-lak, Berta Odriozolak...
eskarmentua zuten, eta haiekin bat urte gutxi lehenago
Euskadiko Txapelketa eskuratutako Nekane Gurrutxa-gak,
Maite Epeldek... taldeari freskotasuna ematen zioten.
Xubi zen Iraurgikoen entrenatzailea. Donostiako taldean,
Ramon Aranbururen alabak jokatzen zuen. Joaneko partiduan,
jende artean zegoen Ramon Aranbururen emaztea eta
zerbait oihukatu zion epaileari, eta Xubik euskaraz
isiltzeko esan zion Ramonen emazteari; epaileak, Iraurgin Gora Euskadi! deitzen den teknika (bi besoak
gora jasota pitatzen baita) pitatu zion Nartzabalgoari
eta kanporatu egin zuen. Iraurgi Sabikoek partida
galdu egin zuten, sei puntugatik. Itzulerakoan luzapenean
puntu batengatik irabazi zuten. Kontuan izan behar
da donostiarrek Lehen Mailako zenbait jokalari zituztela,
eta, ondorioz, haien maila ez zela txantxetakoa.
